Royale, & défendu ses droicts contre les
ennemis & Estrangers & domestiques. Du temps de
Charles VI, lors que par vn malheur estrange, les
Anglois vinrent liurer la guerre à la France, & [illisible]
ioignoirent au Duc de Bourgogne pour ruiner la
Monarchie Françoise, & renuerser le plus puissant
Royaume du monde. Qui fut, ce qui s’opposa aux
armes des vns, & aux artifices de l’autre, sinon le
Parlement ? Qui tint tousiours le peuple de Paris
dans l’obeyssance & l’empescha de remuer ? Que n’a
point fait ce mesme Parlement sous le regne de
Charles VII ? Lors que les Anglois possedoient
presque toute la France, & s’estoient seruy de plusieurs
esprits factieux pour enuahir ce pauure Roiaume
desolé ? Tantost par ses sages conseils il donnoit
esclaircissement aux affaires les plus embroüillées :
& tantost par son courage animoit les moins resolus
à la defense de leur Roy & de son Empire, ainsi
de la voix, & des mains remirent cet Estat sur pied,
& par l’assistance du Ciel le rendirent glorieux contre
l’esperance & des ennemis & des François.
Louys XII. faisoit tant d’estime de son Conseil
qu’il ne publia iamais Edit qui ne fut confirmé de
luy, & bien que ce Prince fut assez absolu, il déferoit
neantmoins beaucoup aux sentimens de son
Conseil. Tout le monde sçait, comme du temps
d’Henry III. Prince malheureux, à cause des troubles
& des ligues qui s’éleuerent pendant son regne,
le Parlement fit des actions tres-genereuses
& dignes d’vne memoire eternelle, Il resista aux Bulles

page précédent(e)

page suivant(e)