pas pour tant de temps.

 

La Riuiere. Et bien quand ils seront acheuez,
demandez luy-en d’autres dans quinze iours,
car peut estre il n’en auoit pas de prests pour
l’heure.

Mazarin. Quand ie luy en ay demandé pour
donner à Monsieur le Duc d’Orleans, il m’a dit
que vous les auiez tous pris.

La Riuiere. De ceux-là ie vous en feray part,
car ie m’en fournis tousiours plus qu’il ne m’en
faut, de peur d’y manquer.

Mazarin. Mais ce qui m’afflige c’est qu’il ne
m’en a donné que pour huict iours, pour donner
à Monsieur le Prince, celuy auquel ie me
confie entierement.

La Riuiere. Quand ils seront finis, peut-estre
que ceux que ie donne à Monsieur le Duc
d’Orleans, feuiront pour luy donner.

Mazarin. Mais s’ils ne le font pas, ie suis perdu.

La Riuiere. Lucifery pouruoira, croyez vous
qu’il ne veille pas à vostre conseruation, puisque
vous luy faictes tant de bien, vous luy enuoyez
tant d’ames, vous luy faictes tant de
Partisans, & que vous peuplez quasi l’enfer de
personnes mortes, ou à la guerre ou de rage &
de famine.