ie veux pratiquer bien-tost vne retraite, où l’image
des maux que la France a sentis durant ma Regence,
fournisse tousiours des pleurs à mes yeux, & des
souspirs à ma bouche, & de cuisans regrets à mon
cœur.

A ce discours, Mazarin ne repartit que peu de
paroles, & s’en allant aussi tout consolé, fit voir
qu’vn Astre plus fauorable les éclairoit dans cette
fatale separation, qui selon les bruits de la France,
ne doit pas long-temps durer. Depuis ce temps-là,
tout semble incliner à la paix, mais quelques apparences
qu’on en voye, & quelques esperances
qu’on nous en donne, ie ne puis croire qu’elle vaille
mieux que la guerre, si la Reine & le Mazarin
n’entrent dans les sentimens que ie viens de témoigner,
& continuent leurs pratiques comme par le
passe. Quoy qu’il en soit, apres auoir fait vne
mauuaise épreuue de l’vne, il nous sera doux de
gouster vn peu de l’autre, qui dans cet interuale de
troubles, nous fera voir du moins, que dans les
Estats mal regis, comme le nostre est à present, la
paix est vn renouuellement de guerre, à laquelle
in nous faut déja preparer.

FIN.