a cet esloignement, neantmoins apres auoir
vsé de tous les respects & soubmissions enuers
leurs Majestés, ils ont obtenu que ledit Cardinal
seroit esloigné de la Cour & pour oster tout
suject de ressentiment, a esté accordé que ledit
C. se retireroit dans la Ville de Metz, pour y
trauailler conjointement auec les deputez qui
seront enuoyez par sa Majesté & agrées des
Princes & des Parlements, pour conclure la
Paix Generalle.

La Sagesse Diuine se fait admirer dit l’Escriture,
en ce que la Mer dans ses plus grands troubles
est arrestée par vn grain de Sable. Aussi
nous pouuons dire que c’est vn effect particulier
de la Prouidence de Dieu, sur ce Royaume
b/> & singulierement sur Paris, de faire cesser les
mouuements de cette Guerre Ciuille, dont les
vagues viennent iusqu’à nos Portes.

Ce puissant armement qui se trouue dans
l’vn & l’autre party menace le Royaume de son
entiere ruine.

Paris alloit estre reduit à cet estat deplorable
de voir dãs l’enceinte de ses murailles la disette
auec la discorde, & tous ses Citoyens souffrir de
grandes incommoditez. Mais le dessein de nos
Princes n’ayant esté que de procurer le bien de
l’Estat. le seruice du Roy, & la paix generalle, il