C’est qui n’a pus, ny croix ny pille,
Il n’y faut plus de trébûchet,
De pendre mes dens au crochet,
C’est bien là le pis que i’y sçache,
Et c’est la tout ce qui me fasche,
Halas que i’ay peur d’auoir faim,
Mangeray-ie ma chair sans pain,
Mon ventre fera biau grabuge,
Si ma grand machoire ne gruge,
Il fera le grondibilis,
Et parauanture encor pis,
O que cela membrelicoque,
Gazette ceste faim me chocque,
Le ieusne mequer fauderoit,
Ma petrigne s’en maigriroit,
Mort guienne cela me dépite,
I’aymerois autant estre hermite,
Vn homme sans pain n’est pas gay,
Ie donne au Guiebe si n’est vray,
Me vela pus sot qu’vne chruche,
Ma bourse plate me breluche,
Aussi fait mon chien de gousset
Qui m’ahurit d’estre si net,
Aga vois-tu bien c’est Gazette,
Que nous vela dans la dizette,
Bien pus que pardessus les Dieux,
Vela pauure Gille bien gueux
Lequel bien tost de ceste Ville,

page précédent(e)

page suivant(e)