le discours. Il dit que le dessein du Parlement
est digne du succez qui leur fait conferer les
premiers honneurs de la Couronne & fondé ensuite
ce merite sur le cris & sur le bruit de la liberté
que cette Compaignie a fait, nous ayent
eueillé lors que nous dormions doucement sur nos
chaisnes, quelle a entrepris vn vieux mal & employe
pour sa guerïson la conjuration le fer & feu,
qu’ils ont esteint & allumé à diuers temps iusques à
ce qu’ils l’ont enfin reduit en l’estat où nous les
voyons.

Vn Medecin s’est acquité de son deuoir lors
qu’il a traitré le Malade selon les reigles de l’Art.
La Cure & la guerison sont diferentes & les sages
loüent les plus belles entreprises plus tost
par elles mesmes que par leurs succez. Dire que
le Parlement a affoibly l authorité d’vn Roy innocent,
pour se fortifier dãs l’impunité de leurs Crimes
& maintenu la rebellion du Prince pour auoir la
protection d’vn puissant complice, est parler contre
sa propre conscience le Parlemẽt a plustost
manqué n’ayant pas resisté à l’oppression des
Peuples, & differé l’examen de la cause du Prince
dont l’innocence a esté reconnuë & declarée
par ceux qui l’auoient opprimée, qu’ils n’ont
choqué l’authorité Royale laquelle ils conserueront
tout entiere tandis qu’ils guarãtiront les