Anonyme [1649], APPARITION MERVEILLEVSE DE TROIS PHANTOSMES DANS LA FOREST DE MONTARGIS, A VN BOVRGEOIS de la mesme Ville. , françaisRéférence RIM : M0_143. Cote locale : A_2_18.
page précédent(e)

page suivant(e)

-- 4 --

Noé de bastir vne Arche l’espace de cinquante
ans entiers, afin que durant ce long-temps
les pecheurs venant à sçauoir que
Dieu auoit resolu de les punir, ils s’amendassent,
& par ce moyen euitassent le chastiment
qui leur estoit preparé. L’histoire
remarque que la Ville de Hierusalem estant
sur le point d’estre renduë à la discretion
des ennemis plusieurs signes parurent
qui tesmoignerent son mal-heur : &
que l’on entendit mesme des voix dans le
temple qui crioient confusement : Sortons
d’icy, sortons d’icy. Combien de signes
parurent du temps que les Goths prirent
la Ville de Rome, l’on veit pleuuoir des
pluyes de sang. La nature de Iupiter
Dieu tutelaire de ce lieu tomba par terre
& se brisa en mille pieces, bien qu’elle
fut de cuiure, qui est vn metail tres-fort.
Celle de Iunon qui estoit dans le Capitole
fut mise en poussiere & comme
aneantie par vn coup de tonnere : Celle
de Pallas ietta des larmes de sang, & apres
vn horrible tremblement de terre,
toutes les Diuinitez adorées en ce lieu temoignerent


page précédent(e)

page suivant(e)