le Iuge incorruptible de ses dignes operations ;
& il sert peu de contrarier le torrent de ses graces,
puis qu’elles doiuent estre l’ornement de
nos jours, & l’admiration des siecles à venir ;
Ce ne sont pas de ces ardens qui paroissent &
disparoissent en mesme moment ; c’est le vray
flambeau de nostre Monarchie qui éclaire les
fidelles François, par la grandeur & la merueille
de ces effects ; & qui laisse de si belles
impressions à toute la Chrestienté, qu’il faut
croire que Dieu la fait naistre, pour nous faire
comprendre & ressentir ses plus cheres bontés ;
On ne dira point de son Eminence qu’il aime
a estre flatté, il a vn esprit de discernement, &
ne veut point d’autre loüange que celle que la
Vertu prend elle mesme dans son Excellence ;
Et si quelques plumes émoussées se plaignent
de ses liberalitez, il faut leur opposer que cét
illustre personnage n’est pas de ces acheteurs
de fumee, il recognoist ceux qui le valent, &
méprise les adulateurs de sa fortune ; & nous
deuons nous souuenir qu’estant venu pour
l’honneur & la grandeur de cét Estat, choisi
par vn Pape des plus excellents & augustes qui
ait occupé le Siege de Sainct Pierre, pour estre
son Nonce, & Mediateur des plus importantes
affaires de la Chrestienté, ce ne peut estre

page précédent(e)

page suivant(e)