Collegue & Deputez qui auez conserué le cœur au milieu des
cendres de vos maisons, que le feu ny le fer n’a pû vaincre : Serez-vous
vaincus par l’artifice & le mensonge, & par vne petite troupe
ennemie de Dieu, de l’Estat, de la Ville : Auez-vous pû consantir
qu’on aye enuoyé en poste à vn ieune homme de vingt-vn an, qui requiert
deuant vous les trophées de nostre reputation, Barreau Eschole
de vertu. Siege des Muses, Seminaire des dignitez, dans lequel
pendant pres de quarante ans, nostre Chef a combatu si glorieusement :
Pouuez-vous souffrir qu’on trahisse la verité, & que des bouches
infames qui n’ont de nom qu’à médire, deschirent nostre nom :
Ces braues, ces harangueurs qui demandent le changement : qu’ils
fassent changer les ordres, Nous ne leurs auons pas fermé le champ
de gloire : Nous portons beaucoup s’il deffaut quelque chose, ils
pourront suppleer ; & seront les Atlas de ce Ciel petits auortons
d’enuie & de malignité ; Vous abayez contre la lumiere, & esperez-vous
esleuer sur le tombeau de vostre patrie, & sur la ruine de ceux
qui la seruent, Clergé, Tresoriers, Secretaires, Presidial, Vniuersité,
mere de tous, Bourgeois, Citoyens, Capitaines qui auez le serment
à vos Magistrats ; Soustenez vostre patrie, que les frenetiques
enrichis de vos despoüillez : veulent destruire : Souuenez-vous que
le seul article qui en fasche aucuns : car il y en a de gens de bien parmy
ceux qui ont eu de l’employ : Est qu’il faut rendre compte qu’on
renuerse leur marmite enflée des deux tiers : Pendant ces mouuemens,
qu’ils n’ont plus les delicieux ragousts qui les chatoüilloient
pendant que nous mangions du pain noir & pourry : Que le Magistrat
captif au dedans, deschire au dehors, ose, quoy que languidement
hausser sa voix pour se plaindre de sa seruitude. Peuple ! ouure
tes yeux à la verité & à ton bien, & ayme ton repos & ceux qui te le
portent.