enuers toute l’Europe de luy donner le repos par
l’esloiguement du C. Mazarin des Conseils du Roy.
Les Registres du Parlement demureront eternellement
chargez en diuers cayers, des protestations que vous en
auez faites, & ce sera vne tasche irreparable en vostre
personne si vous ne faites cognoistre à toute l’Europe,
que l’on peut trouuer plus de seureté dans vos paroles,
que vos ennemis ne disent qu’il y en a ; s’il arriue que
vous manquiez aux promesses qui vous engagent enuers
tant de puissances, vous perdrez vostre credit dans
Cour d’Espagne, dans l’Allemagne, dans la France, &
enfin dans toute la Chrestienté ; s’il arriue dis-je que
vous ayez encores vne fois besoin du secours de tant de
nations, elles courront plustost à vostre perte qu’a vous
maintenir, parce que le premier traicté qu’on aura fait
auec vous leur en fera apprehender auec beaucoup de
raison vn second. Croyez la voix du Peuple, Monseigneur,
ce seroit d’vne tres-dangereuse consequance
pour vous & pour ceux de vostre maison ; conseruez
encores vne fois vostre reputation parmy les Estrangers,
l’amitié parmy les Peuples François, & vostre
honneur qui vous doit estre si cher enuers tous ; vne
ferme resolution dans vos premiers sentimens, vous
rendra plus puissant que plusieurs millions, plus redoutable
que l’acquisition de cent Prouinces, & plus chery
qu’vn Ange ou qu’vn demy Dieu sur terre. Tout le
monde sera bien-aise de se jetter dans vostre party,
sinon vn chacun s’en retirera n’y croyant point trouuer
de sureté si vous n’appuyez aussi vigoureusement les
entreprises que vous auez faites, que vous nous l’auez

page précédent(e)

page suivant(e)