l’Empereur Charles V. fit establir de pareilles
milices aux Prouinces de France, lesquelles il
employa à cette guerre, & obligea l’Empereur
à se retirer.

Qui seroit le voisin quoy que puissant qui osast
attaquer vn Roy de France, lequel au premier
commandement auroit trente mille Caualiers
& cinquante mille hommes bien aguerris & armez
pour luy opposer.

Que si son Altesse Royale vouloit executer
cette belle proposition, elle rendroit le Roy inuincible,
& feroit jouïr la France d’vne heureuse
paix, sans estre plus le peuple chargé d’imposts
qui ne se leuent que pour entretenir la
guerre, le Royaume ne laisseroit pas de luy payer
le Tribut que Dieu luy commande ; mais il ne
seroit plus charge de Tailles, & auroit moyen
d’assister puissamment son prince d’hommes &
d’argent au besoin. Il n’y auroit plus guerre
à craindre des Financiers ny partisans qui
ne pourroient plus faire de griuelées. Le Roy
viueroit & regneroit heureusement, & paisiblement
aux cœurs de ses peuples sans craindre
ny apprehender personne, au contraire, il
seroit l’effroy & la terreur de tous les Princes de
l’Europe.

Ce sont les moyens addressez à son Altesse