cheual iusqu’à ce qu’elle ait appris les volontez du Roy, tant sur
ce sujet que sur la continuation de nos Assemblées par le retour
de nos Deputez à Dreux le vingt-troisiesme Iuillet prochain, auquel
lieu se trouueront tous les Deputez des Bailliages vnis, &
tous ceux qui voudront apprendre les volontez du Roy, & cependant
tous les Gentils-hommes de nos Bailliages se tiendront
prests de monter à cheual au premier ordre qu’ils en auront de
sa Maiesté.

Toutes lesquelles choses nostre dit Secretaire fera voir à Monsieur
de Liancourt pour derniere response.

Apres quoy nous auons nommé pour executer la susdite deputation
les personnes de Messieurs de Turbilli, de Lailleuault,
de Nossey, de Villers en Arrie, du Coudré, de saint Iust, de Bocheuille
& de Bonneual.

Et sur ce qui nous a esté presenté par Monsieur d’Annery vne
Lettre qui luy a esté escrite par Messieurs les Abbez de Marmiesse
& de Villars Agens generaux du Clergé de France, ensemble
les coppies tant de la Lettre que le Roy leur a escrite sur le sujet
de la conuocation des Estats Generaux, que de celle que sa Maiesté
a addressée aux Baillifs à mesme suiet, par laquelle Lettre
desdits sieurs Abbez, il semble que nous leur ayons demandé
nouuelle ionction, & qu’ils ayent deliberé sur la Lettre du Roy
sans nostre participation, quoy que nous soyons particulierement
vnis sur ce faict, il leur sera fait response par ledit sieur d’Annery,
portant que nous ne leur auons point demandé de nouuelle
ionction, mais l’execution de celle faite à Paris, laquelle
les obligeoit à nous communiquer toutes choses en ce faict auant
que d’en deliberer, ce qui leur sera dit sans plainte, voulant conseruer
en effet & auec respect l’vnion qui est & doit estre entre
nous, pour à laquelle satisfaire le present Arresté leur sera enuoyè
auec la susdite response.

Et sur ce qui nous a esté representé par les Deputez des Bailliages
de Chartres, qu’ils n’auoient point receu iustice de l’action
de Chartres, & qu’ils ont requis de la presser aupres du Roy,
il a esté arresté que les Memoires que l’on presentera à sa Maiesté
en seront chargez & que l’on fera instance.

Il a esté arresté, qu’outre les plaintes generales que nous