A. D. [1652], LES MOTIFS QVI ONT EMPESCHÉ LA PAIX jusques à present ; ET LES SEVLS REMEDES QVI la peuuent sans difficulté apporter. Par A. D. Quercynois. , françaisRéférence RIM : M0_2508. Cote locale : B_16_46.
page précédent(e)

page suivant(e)

-- 6 --

cette qualité de Mere, qui durera toute sa vie,
ne luy continuë pas, neantmoins pour vn si
long terme celle de Regente de vostre Estat ?
duquel le gouuernement vous est commis ?
dés l’instant mesme de vostre Majorité : c’est
pourquoy Vostre Majesté ne doit pas ignorer
qu’elle est responsable deuant Dieu de
tout ce qui se fera de bien ou de mal dans son
Royaume, depuis le iour que vous aués esté
declaré Majeur, & cette Declaration de Majorité
est vn neant, si Vostre Majesté n’en
exerce les effects, en gouuernant elle-mesme ?
sans se laisser gouuerner à autruy ; ce n’est pas
d’auiourd’huy, que le Prouerbe est fait, qui
dit que la plus habille femme, en matiere d’affaires,
ne l’est guere, & cela s’est tousiours entendu
pour l’administration seulement des
interests d’vne famille particuliere ; & par consequent
combien le mesme sexe, à plus forte
raison doit estre estimé foible & incapable au
regard du gouuernement d’vn Estat, composé
de cent millions de familles ; Tant y a
SIRE, que Vostre Majesté doit rendre à la
Reine, comme à sa Mere, au de-là mesme de
ses sentimens, & de tout ce qu’on luy peut
dire, mais elle doit faire cesser aussi bien en effet
sa qualité de Regente, qu’elle a cessé en apparence,
par la Declaration de vostre Majorité,


page précédent(e)

page suivant(e)