A. A. [1652], LETTRE D’VN MAISTRE IANSENISTE A VN BON PERE FVEILLANT, TOVCHANT VN SERMON celebre contre des Nuditez, & des Portraicts lascifs. , françaisRéférence RIM : Mx. Cote locale : B_10_19.
page précédent(e)

page suivant(e)

-- 7 --

de vrays petits amours qui n’ont rien
de moins que ce qui se voit dans les Tableaux
que vous voulez estre si criminels,
& si lascifs ; & toutes ces Diuinités ne sont
là representées que pour l’embellissement
ou l’entretien muet d’vne infinité de Sainctes
& de Religieuses enluminées, dont
les vnes ont tout le sein descouuert, les
autres monstrent leurs cuisses blanches,
& potelées iusques à la ceinture, d’autres
sont toutes nuës dans des flammes subtiles
& deliées, & quantité se voyent assises
& extasiées sur vn grabat n’ayans autre
couuerture que leurs cheueux frisez &
peignez auec la mesme affetterie que les
Courtisannes les plus vaines, & les plus
abandonnées. Et parce qu’ils ont escript
au dessous, que celle-cy est vne Vierge,
celle-là vne Martyre, & les autres des penitentes
& repenties ; pour cela ils sont
chastes & pudiques, & ont droict de faire
la loy comme ils font, & aux hommes
& aux femmes qui les croient trop facilement.
Prenez ces mesmes Images, & au
lieu du nom qu’ils leur donnent, mettez y
celuy qu’elles meritent & qui leur appartient,
& puis faites leur voir ; adieu vous
estes vn impie, vous estes vn infame, il faut
prescher contre vous, à cause que vous


page précédent(e)

page suivant(e)