Saint-Julien,? [?] [1650], LE COVRRIER BVRLESQVE DE LA GVERRE DE PARIS, Enuoyé à Monseigneur le Prince de Condé, pour diuertir son Altesse durant sa prison. Ensemble tout ce qui se passa jusques au retour de Leurs Majestez. , françaisRéférence RIM : M0_814. Cote locale : A_9_9.
26 Fév Siege de
Ce fut au cul de la semaine Que nos Deputez vers la Reine Au Parlement son reuenus, Où deuant Senateurs chenus Et tous nos Chefs à l’Audience Ayans pris chacun leur seance, Là de leur deputation Ils firent exposition, Et rapporterent que la Reine Auoit dit, ie n’ay point de haine, Et si i’osois boire du vin Nous beurions ensemble demain : Cependant nommer Commissaires Qui soient Plenipotentiaires Tant pour la generale paix, Que pour descharger de son faix Le pauure peuple de la France : Ceux qui vous portent à manger Pourront passer sans nul danger. Ce que la Cour treuua tres-iuste, Et nostre Parlement auguste. Conclut qu’en vn certain endroit Des Deputez on enuoyroit, Et mesme qu’auant leur sortie La Reine en seroit aduertie. Pour cet effet les Gens du Roy S’y firent traisner par charroy.
27. Fev
Le Dimanche quelque canaille Dont le feu fut vn feu de paille, Fit maniere d’emotion Qui tendoit à sedition, Elle en vouloit à la soutanne, Et prit ie croy pour vne canne Monsieur le Prendent Thoré, Qui fut à peine retiré Des griffes de nostre fructiere Qui le traisnoit à la riuiere.
28 Fév
Le Lundy premier iour de Mars Ie sus outre de toutes parts Sans apprendre aucune nouuelle.
1. Mars
Le Mardy nous receusmes celle Qu’escriuoit le Duc d’Orleans, Laquelle ouuerte, on lut dedans Que c’estoit chose tres certaine Que la volonté de la Reine Estoit de fournir tous les iours Que la Conference auroit cours De bleds vne quantité fixe, Ny plus courte, ny plus prolixe, Tant par iour seulement. Surquoy La Cour voulut qu’aux Gens du Roy On eust à porter cette lettre, Veu qu’ils estoient venu promettre A leur retour de Sainct Germain Bien plus beurre que de pain, Et des passages l’ouuerture, Ce qui n’estoit qu’vne imposture. Et qu’ils priroient leurs Majestez De faire iour de tous costez, Et de nous ouurir les passages, Veu qu’ils sont de Dieu les images Qui ne nous les boucha iamais, Et qui se dit Dieu de la paix. Bref, qu’ils rompent la Conference
|