Qui n’ayment que le sang, que le feu, & le fer,
Qui sont venus icy du profond de l’Enfer
Exprez, pour assouuir la rage Mazarine.
Retourne donc chez toy semence Cerberine,
Va voir ton Climat froid sans plus nous tourmenter,
Tu nous as tous gelez ; tu te dois contenter ?
Il est vray que depuis que cette gent mauuaise,
Est venuë en ce lieu, nous n’ont eu aucun aise.
Le Ciel c’est courroucé contre nous viuement,
En nous faisant sentir vn Hyuer vehement,
Qui n’eust point son pareil depuis dix-sept années ;
Et qui se voit sans plus tristes & infortunées.
Mais courage, il ne faut pour cecy s’attrister
Ains genereusement à ce mal resister ;
Esperant que bien-tost nous aurons des douceurs
Qui rendrons esbays nos fidels successeurs.