Questier, Mathurin, dit Fort-Lys [1649 [?]], SVITTE DV IOVRNAL POETIQVE DE LA GVERRE PARISIENNE. Dedié aux Conseruateurs du Roy, des Loix, & de la Patrie. Par M. Q. dit FORT-LYS. CINQVIESME SEPMAINE. , françaisRéférence RIM : M0_1763. Cote locale : C_4_38_05.
Enfin voicy venir tous nos prouisions De bleds, farines, foins & des munitions De Brie, escortées, du Prince de Conty Et de Messieurs d’Elbœuf ; Il est vray, ie le dy Qu’ils prennent vn tres-grand soin pour nous oster de peine. Et la Mothe Houdancourt, sans cesse se pourmeine, Auec d’autres Seigneurs, qui cherchent courageux Vn choc, où ils puissent se monstrer valeureux, Mesprisant le destin, ainsi que la fortune, Estimant que mourir pour la cause commune, C’est estre bien heureux ; & auoir des Autels Aussi beaux & sacrez que les Dieux immortels.
|