Anonyme [1649], DISCOVRS SVR L’ENTREVEVE DV CARDINAL MAZARIN, ET DE MONSIEVR d’Hocquincour, Gouuerneur de PERONNE. , françaisRéférence RIM : M0_1145. Cote locale : C_7_45.
page précédent(e)

page suivant(e)

-- 12 --

que nos Princes font de trop grands establissemens,
qu’ils remettent dans leurs maisons les puissances
de celles d’Orleans, & de Bourgongne ; qu’ils veulent
faire passer leurs gouuernemens à leur posterité, & les
rendre biens patrimoniaux de leur famille : Au contraire
qu’ils loüent leur moderation, & les remercient
de ce qu’ils ne songent pas à profiter comme ils
pourroient de la foiblesse du ministre & de la necessité
où il s’est mis de les satisfaire à quelque prix que
ce soit. En effect, que pourroit-il auiourd’huy refuser
à Monsieur le Duc d’Orleans & à Monsieur le
Prince s’estant ietté entre leurs mains. S’ils vouloient
qu’on leur donnast leurs gouuernemens en souueraineté :
Oseroit-il dire que telles demandes sont
contre les loix fondamentales du Royaume ; Il n’est
pas mesme en estat de resister aux pretentions deraisonnables
des autres Princes & grands Seigneurs.
Estrange malheur pour le Roy & pour l’Estat, que les
gens de bien soient bannis du Conseil, ou qu’ils y
soient sans aucune action ou fonction, & que la Reyne
n’escoute que les conseils interessez d’vn homme,
qui ne sçauroit plus subsister qu’en ruinant l’Estat
& sacrifiant toutes choses pour se conseruer : Et comme
si ce n’estoit pas assez que l’authorité fut blessée
en la personne du ministre, il meine temerairement
le Roy & la Reyne à Amyens pour retirer des mains
de Monsieur le Vuidame le gouuernement de la citadelle,
& par le mauuais succez de ce voyage fait vne
nouuelle playe irreparable à l’authorité & dignité
Royale en la propre persõne de leurs maiestez. Auec
la mesme imprudence & vanité ; il fait entreprendre
le siege de Cambray à la veuë du Roy & contre l’aduis
de son Altesse Royale & de Monsieur le Prince,
& sans la participation d’aucun des Ministres. Il
assure la Reyne qu’il a bien pris ses mesures, qu’il a


page précédent(e)

page suivant(e)