leur Prince legitime. I s’est donné à M. le Duc
d’Orleans qui la fait Mareschal de Camp, & Gouuerneur
de.... & ces bien faits sont des marques
qu’il a fort peu seruy son A. R. si [1 mot ill.] que
la iugeant capable de quelque ialousie des exploits
de M le Prince, il trauersa ses desseins au siege de
Thionville, en donnant passage à des trouppes qui
entrerent dans la ville pour la defendre.

Il est venu à cette guerre contre sa patrie, auec l’esperãce
d’vne proye infaillible, il a ruiné tous les lieux
où il a passé, il a assiegé Brie-Comte Robert, quia
esté defenduë par son Gouuerneur auec tous les témoignages
d’vne valeur & d’vne generosité singuliere :
Mais comme la place n’estoit pas tenable,
sans vn puissant & present secours, il falut la rendre
par cõposition. Il l’accorda pour éuiter la perte des
siens, & promit de laisser sortir les Soldats assiegez,
& de conseruer les biens des Bourgeois, & l’honneur
de leurs femmes & de leurs filles ; mais il faussa
cette fidelité, que les Turcs mesmes ne rompent
que rarement, & iamais sans pretexte : Les Soldats
Parisiens furent fouillez, puis battus, puis despoüillez,
puis tuez pour la pluspart, ou retenus captifs.

Diray ie le reste, & si ie le dis, ou pourray ie prendre
des couleurs assez noires, il en fut de mesme,
Monseigneur, de tout ce qui fut promis pour les
Bourgeois, mais il en fut pis, que dans vne ville
prise de force & emportee d’assaut, ou le general
pour peu qu’il soit homme, pour peu qu’il soit humain,