L. A. P. [1649], LE PANEGYRIQVE DV CARDINAL MAZARINI. Par L. A. P. , françaisRéférence RIM : M0_2662. Cote locale : C_8_15.
T’imagine tu que la France Souffre plus long-temps l’insolence Qui te rend par tout odieux. Ouure donc maintenant les yeux Pour voir que ton ame endiablée De toute malice comblée Est plus horrible que l’Enfer, Tu luy seruiras de Ministre, Et ce peut estre à iuste titre Cognoissant si bien Lucifer.
Tu luy ressemble en bien des choses, Vos malheurs ont les mesmes causes, Tu trouue ton contentement A l’imiter parfaitement, Si ton orgueil te precipite Tu ne tomberas pas si viste Que luy qui estoit bien aislé : Mais i’oseray pourtant te dire, Quoy qu’il seruist vn grand Empire Que iamais il n’a rien volé.
| |||||