Fresnoy, I. du [signé] [[s. d.]], L’ESPOVVENTABLE vision apparuë sur l’Abbaye de Marmoustier lez-Tours. Enuoyée par vne lettre d’vn Bourgeois de la ville à vn sien amy à Paris. , françaisRéférence RIM : M0_1270. Cote locale : C_7_78.
-- 2 --
il auoit la queuë fort longue & remplie de branchages ;
il auoit la teste d’vn bouc ; dessus la teste il auoit deux
cornes, l’vne comme de cerf, l’autre comme de daim ;
il auoit la langue d’vne longeur mediocre, mais fort large
au bout de la langue ; il auoit le fer d’vne fleche ; il
auoit les bras d’homme remplis de poil iusques au coude ;
il auoit dans les mains vne maniere de baston au
bout duquel il y auoit vn fer fort long & estroit ; il
auoit à l’entour de la teste force poil grand & herissé, &
tesmoignant estre en furie ; dessus son corps il y paroissoit
trois lettres, sçauoir vn A. vn P. & vn R. lesquelles
trois lettres ont donné bien de la peine à expliquer, &
encores n’a-on pas sceu apprendre la signification, sinon
que la commune opinion du peuple croit que c’est
quelque signe euident de la iuste colere de Dieu irrité
pour nos pechez, lequel voyant qu’apres tant de fleaux
desquels il nous a chastié, nous ne nous amendons
point, qu’au contraire nous prenons plaisir à l’offenser
tous les iours par des pechez nouueaux, veut nous
faire cognoistre le miserable estat dans lequel nous
sommes à present, afin que nous recognoissans par vne
bonne Confession & Communion, nous luy en fassions
satisfaction, & le contraignons (si faut ainsi parler)
à les oublier tout a fait, & les ayant oubliez nous
preparer dans le Ciel vne bonne place Ie continueray
à vous dire le reste : cette vision a duré plus de trois heures,
& a esté veuë deux ou trois iours consecutifs à pareille
|