pousser nos Princes à bout, il nous obligeroit à les exhorter
de ne reculer pas à la conclusion d’vn accommodement :
bien loin de nous vouloir armer les vns
contre les autres pour vne premiere autant qu’effroyable
cõditions de Paix ; il trouueroit des moyẽs
de nous reconcilier dans nos diuisions pour tascher
d’en rendre la reünion moins difficile.

Ainsi lors que le Roy ou plustost son Conseil ne
veut nous donner la Paix, qu’à condition que nous
nous des-vnirons d’auec nos Princes, & d’auec ceux
qui se sont si genereusement iettez dans leur party ;
Nous pouuons nous asseurer qu’il n’a de dessein que
de rendre encor cette mesme paix plus impossible, &
d’y faire naistre de nouueaux obstacles que les années
entieres ne pourront point oster, puis que les
guerres n’ont esté produites que par cette mes intelligence
fatalle, qui à diuisé nos Princes & nos compatriotes
d’auec leur Souuerain.

Mais quoy ne voyons nous pas ; à quoy tend cette
politique bastarde, & cette mal-heureuse cõduite du
Conseil du Roy ? Auons nous si peu de iugemẽt que
de ne connoistre pas qu’il ne craint rien tant que la
paix ; & qu’à fin de nous armer contre ceux qui la
poursuiuẽt auec sincerité, il fait l’empressé pour nous
la donner ; quoy qu’il ne nous fasse que trop remarquer
par les conditions qu’il nous en prescrit, qu’il
en regarde la conclusion comme l’escueil infaillible
de toute son authorité.

Si le Conseil veut la paix, autant qu’il en a fait, du