de trois lettres, s’est neantmois formellement opposé
au traitté de la Paix generale, pour s’enrichir à quel
prix que ce fust, des funestes débris de tout nostre
Estat, & chercher l’agrandissement de sa maison, dans
le bouleuersement de toute la Monarchie.

Ces reflexions, Messieurs de Paris, sont-elles capables
de vous faire conclurre en faueur de ma proposition ;
& doutez-vous encore maintenant que vous ne
deussiez auoir moins de raison de fermer les portes à
l’Archiduc, s’il se presentoit auec vne armée de cinquante
mil hommes, que vous n’en auez maintenant,
pour ne les ouurir point aux approches de Mazarin,
que la fortune vous renuoye apres l’auoir perdu de reputation
dans le siege de Bordeaux, pour la luy faire
reparer dans le sejour de Paris, par vn coup de desespoir.
Voyez si vous estes assez pitoyables pour prendre
pitié de cet infame ; ou si vous n’estes point assez
forts pour acheuer de le precipiter, aprés qu’vne ville
qui ne seroit que le faux bourg de la vostre, a neantmoins
pû l’esbranler si dangereusement : Considerez
si vos intrigues sont toutes au bout de leurs fusées,
pour ne pouuoir point acheuer d’éuanter des mines,
que les Bordelois ont neantmoins si glorieusement
contreminé : Resoluez-vous à faire la Cour à celuy
que ces peuples genereux n’ont pas seulement honoré
d’vne de leurs visites, ou bien resueillez-vous plutost
de ce honteux assoupissement, pour ne souffrir point
dans l’independance, celuy que le mépris de ces peuples
ne vous doit plus faire considerer que comm’vn
infame : faites les preparatifs qui sont necessaires pour