Dubosc-Montandré, Claude [?] [1650], LES ALARMES DE LA FRONDE, ET L’INSENSIBILITÉ des Parisiens, Sur les approche du Card. Mazarin. Ou les Frondeurs, & les bons François pourront voir qu’ils ont plus de subiet de craindre, que si l’Archiduc s’auançoit auec vne armée de cinquante mil hommes; & que Paris ne sçauroit le receuoir qu auec autant de danger, que d’ignominie, apres l’affront que ce Ministre a receu dans l’entreprise de Bordeaux, & le dessein qu’il a de se faire gouuerneur de Prouence. , françaisRéférence RIM : M0_59. Cote locale : B_13_30.
page précédent(e)

page suivant(e)

-- 20 --

les ennemis de l’Estat, il n’en est point du tout ; voire
mesme ie pense que vous auez plus de raison de luy
fermer les portes, qu’à l’Archiduc, & que les actes
d’hostilité que ce dernier fait sur nos frontiéres, ne
peuuent point entrer en comparaison auec ceux que
Mazarin a exercé dans toutes les terres tributaires de
la Couronne. L’Archiduc a assiegé la Capelle, Guise,
&c. Mazarin a assiegé Belle-garde, Bordeaux &
Paris ; ce Prince ne nous a battu qu’à guerre ouuerte ;
le Cardinal ne nous a mal-traittez que par trahison :
Celuy-là n’a fait que ce qui luy estoit permis par les
Loix ; celuy cy n’en a point épargné qu’il n’ait insolemment
enfraint, pour choquer contre tous les droits
humains & diuins, ceux que la conscience & l’honneur
deuoient mettre à l’abry de toute sorte d’assauts
souz sa protection : Cet illustre ennemy n’a procedé
que par les principes de la plus rigoureuse seuerité, qui
met auec iustice les armes à la main, de tous ceux dont
les droits veritables, ou supposez, sont en dispute ; ce
perside amy, ie l’appelle tel, puis que sa charge le rend
l’oracle de nostre minorité, ce perfide amy, dis-ie, n’a
iamais fait d’action qui fust compassee sur les regles
de la generosité, puisque suiuant les caprices de son
ambition, il n’a iamais butté qu’à l’assouuissement de
ce qui doit estre le premier obiect de mépris de tous
les grands cœurs : Enfin l’Archiduc quelque grand
Capitaine qu’il soit, n’a iamais fomenté la diuision
des Couronnes, pour bastir les fondemens de l’Eternité
de sa gloire, sur la desolation de tous les Estats de
la Chrestienté : & Mazarin qui n’est qu’vn homme


page précédent(e)

page suivant(e)