de reuoltes. Les Seigneurs du Royaume ne voyoient
pas de bon œil ceux qui suiuoient le Duc de Guise ;
De sorte que le Prince de Condé s’estant saisi d’Orleans,
& des plus fortes places, se declara ouuertement
contre Charles I X. Il n’y eut aucune ville en
France qui ne representast vne horrible boucherie,
& en cette rage ciuile, il fut plus respandu de sang
des François, que les batailles qu’on auoit données
depuis vingt ans n’en auoient épuisé. Cette guerre
auoit à la verité vn sort bien déplorable, puis qu’il
estoit necessaire que le vainqueur demeura vaincu.
Quelque temps apres les Religionaires se rendent
maistres en France : Le Roy fuit à Paris & deffait ses
Ennemis : Le Prince de Condé se reuolte derechef
apres la Bataille de Iarnac, & de Moncontour, le Roy
donne la paix aux rebelles. Nouuelle Rebellion à
cause de la Religion : Car il n’y a rien de plus attrayant
en apparence qu’vne mauuaise Religion, lors qu’elle est voilée
d’vn specieux pretexte de Sainteté.

Henry III. renouuelle la Guerre contre les Heretiques :
Il y eut ligue des Catholiques : Le Roy perdit
beaucoup à la journée de Coutras ; il repare sa perte
à Auneau par le Duc de Guise, qu’il fait tuer sur
vn soupçon : Il y eut des nouueaux troubles suiuis
de la mort du Roy, lequel fut malheureusement assassiné
à S. Cloud par Iacques Clement Iacobin.

La France estoit agitée des guerres Ciuiles, & estoit
prés de faire naufrage parmy tant de massacres, lors