Du Bos, Mathieu [?] [1651], LE MANIFESTE DE MONSEIGNEVR LE PRINCE DE CONDÉ TOVCHANT LES VERITABLES Raisons de sa Sortie hors de Paris, faite le 6. Iuillet 1651. Auec vne Protestation qu’il fait à la France, Qu’il n’en veut qu’à l’Ennemy commun de son repos, c’est à dire, Au Cardinal Mazarin. , françaisRéférence RIM : M0_2372. Cote locale : B_6_8.
page précédent(e)

page suivant(e)

-- 15 --

Pour cét effet, ces mortels & secrets ennemis
de l’Estat, ayant ietté les yeux sur Brizac, c’est à
dire, sur vne des plus fortes places de la Chrestienté,
se sont imaginez que leur maistre seroit à l’abry
de toutes les menaces des veritables suiets
de la France, si toute fois ils pouuoient trouuer
le moyen de luy en ouurir la porte, en procurant
ce Gouuernement pour quelqu’vne de ses
creatures. Le dessein a reussi parfaittement au
gré de leurs proiets, par la faueur de Charlevoy,
Lieutenant pour le Roy dans Brizac, lequel apâté
des recompenses que les Mazarins luy font esperer
d’vne plus haute fortune, a si secrettement
menagé sa trahison contre le sieur de Tilhadet
Gouuerneur de la place, & trop genereux pour
souffrir que son gouuernement seruist d’azile
aux disgraces de Mazarin, qu’il l’en a chasse sans
autre ordre, que celuy de ses caprices & des secrettes
intelligences qu’il a eu pour cét effet, auec
les Emissaires de se proscrit.

Ce qui me fait croire, sans aucun doute, que
mes ennemis, & ceux du repos de la France destinent
Brizac pour en faire le Port, ou cét
Estranger ira r’asseurer les restes du debris de son
naufrage : C’est que ie voy qu’on en donne le
gouuernement à Vardes, insigne partisan du Cardinal
Mazarin, & deserteur trop l’asche de seruice



page précédent(e)

page suivant(e)