de mes ennemys ayant preualu par dessus
les depositions du Lieutenant General de l’Estat
on n’a peu d’auantage tirer en langueur le
dessein de me perdre, pour sauuer, aux despens
d’vn Prince de la Maison Royalle, les debris de
la fortune d’vn inconu. Il est vray qu’on n’en a
precipité l’execution que parce qu’on à veu que
le Mariage du Duc de Mercœur estant descouuert,
il n’estoit plus temps de complaire aux
oppositions de la France, & que cette alliance
du Cardinal Mazarin auec la Maison de Vendôme
iustifieroit desormais tous les efforts, qu’on
feroit pour disposer les affaires à son retour.

Tellement qu’on peut aisément conclure,
que ma disgrace est vn pur effet des oppositiõs
que i’ay constament formé contre le restablissemens
de cet ennemy public ; & qu’il ne tiendroit
qu’a moy de me remettre hautement dans
la faueur auec vne plene asseurance qu’on assouuiroit
toutes mes ambitions, si ie voulois
seconder le pernicieux dessein qu’on à de rapeller
le Cardinal Mazarin & de le rasseoir aupres
du timon de cet Estat, Mais à Dieu ne plaise
que ie me rauale iamais iusqu’à cette lacheté,
qui me rendroit sans doutte criminel d’Estat
dans la parfaite connoissance que i’ay qu’on ne
sçauroit procurer ce retour sans ébransler dangereusement