Ie voudrois encor imputer ce grand commerce
des sieurs Coadiuteur & de Lionne,
au renouueau de quelque amitié innocente
contractée par les instincts de quelque autre
motif : si le voyage du Duc de Mercœur qui
partit il y a quelques iours pour Cologne, à
dessein d’aller voir son oncle le Cardinal Mazarin,
ne me faisoit encor plus raisonnablement
soubçonner, qu’en effet on a brassé
malgré mon consentement, le dessein de rapeller
ce proscript : les politiques iugeront
s’il leur plaist de la sincerité de mon procedé,
en suitte de ce voyage du Duc de Mercœur,
& considereront si ce n’est pas auec
grande raison que ie me suis allarmé des iustes
apprehensions que i’auois d’estre pour vne
seconde fois l’objet des tiranniques poursuites
de cét ennemy commun, dont les intrigues
ne sont pas moins souueraines dans l’Estat
qu’elles l’ont tousiours esté, puis que les
creatures qu’il a tousiours animé par les soufles
de son esprit sont les intendantes souueraines
de la conduite, & qu’on peut asseurer
qu’il gouuerne plus souuerainement les rangs
de la Monarchie, qu’il ne faisoit autrefois lors
mesme qu’il estoit dans Paris.