Seigneur, pour estre le plus sainct homme qui fust lors
sur la terre (le mourray en mon petit nid, & multiplieray
mes iours à guise de la palme) mais laisse à la
posterité vne damnable memoire de son nom, & de
sa vie corrompuë, & rapineuse. C’est la verité de ces
dires, que feront paroistre les Conservateurs de l’Estat,
empeschans de tout leur possible que ces ennemis
ne mettent en desolation la Monarchie Françoise.
Ce qui les obligera d’opposer la severité des loix
aux maux infinis qu’ils luy ont procure, & procurent
iournellemẽt pour en arrester le cours malheureux. Ie
les en coniure humblement par tout ce qui est de sacré
au ciel, en la terre, & les en prie avec les plus tendres
ressentimens de mon cœur. Ce sera vne action
digne du spectacle des Anges, & de l’admiration de
tout l’Vnivers. Chacun souspire apres son accomplissement
avec plus d’avidité que la terre alterée par vne
longue secheresse, ne souhaite la pluye. Et afin qu’ils
fassent au plustost cét Arrest avec maturité, deffendant
la cause du peuple, qui a des tendresses admirables
d’amour pour son Roy, fassent si iustement moderer
(par iustice ou charité, ou l’vne & l’autre ensemble)
les charges du passé, que cette moderation rende
sa Majesté secourable à ses sujets, formidable à ses
ennemis, honoré de ses confederez, & necessaire à
tous brossasse dessecher des millions & millions de
larmes (qui sont les sacrifices des supplians) ie prieray
le Roy des Roys qu’il les assiste, authorise, & fortifie
puissamment, faisant reposer sur eux l’Esprit de Sapience,
& d’Entendement, l’Esprit de Conseil, & de Force,

page précédent(e)

page suivant(e)