du Roy. Et ce qui est digne de pitié, elles sont
plus rauissantes que celles d’harpies, & leurs pieds
crochus à l’instar de ceux d’vn Gryphontres amateur
de ces metaux, qui n’ayans point de prix le donnent
à toutes choses. On cognoist par là qu’ils thesaurisent
iniquité, & rapine en leurs maisons, maisons,
dis-je, où l’on voit vne marmite boüillante,
non pas en vision comme le Prophete Ieremie, mais
en realité, & pleine de viandes exquises pour contenter
pleinement leur friande gloutonnie. Ce qui
fait croire indubitablement qu’on n’y mange pas le
foing à l’imitation de Nabuchodonosor debouté
des hommes, mais le peuple qu’ils deuorent, ainsi
que l’Escornifleur du railleur Lucian faisoit les mets
delicieux de ceux qu’ils escornifloit. Aussi imitans le
Lyon d’Ezechiel, ils ont appris à deuorer les hommes
auec plus d’appetit que les Israëlites, ne faisoient la
manne au desert, faire des veufues, & des orphelins,
mettre la desolation, & l’espouuante dans les païs,
faire venir les citez en desert ; bref d’operer en sorte,
que la terre auec le contenu d’icelle soit desolée par
la voix de leur rugissement horrible, & plus lamentable
que les lamentations de ce lamentable Prophete,
qui lamenta iadis si amerement la ruïne de la ville
de Ierusalem. Qu’ainsi ne soit, vers le temps des vendanges,
ils font tres-expresses inhibitions, & deffenses
aux manans, & habitans de la campagne, des
hameaux, villages, bourgs, de vendre aucuns raifins,
bien qu’ils n’ayent souvent moyen de faire vendanges,
ou quoy qu’il en soit ayent fort peu de vignes,

page précédent(e)

page suivant(e)