Davenne, François [?] [1650], LETTRE PARTICVLIERE DE CACHET envoyée par la REYNE REGENTE A MESSIEVRS DV PARLEMENT. Ensemble vne response à plusieurs choses, couchées en la Lettre envoyée au Mareschal de Turennes, & aux avis donnez aux Flamans. , françaisRéférence RIM : M0_2250. Cote locale : C_3_9.
page précédent(e)

page suivant(e)

-- 25 --

soient fondées sur le droict diuin & humain, vous ne deuez
pas, à cause d’vn stil raboteux, reietter les genereuses impressions
qu’elles vous laissent dans l’esprit, apres les auoir leuës, ny
trop retenir les especes des coulantes que ce Ministre vous addresse,
lesquelles en les lisans, vous glissent par la fenestre des
yeux, la lacheté dans l’ame, par le moyẽ de laquelle le Demon
qui les dicte aux organes de Mazarin, vous lie les bras auec
des Declàrations du Roy. Defiez-vous de ces araignées ausquelles
le malin esprit tend les filets, & n’esperez qu’en la colombe
de la verité.

 

La bonne ou mauuaise parole fait à l’ame ce que les bons
ou mauuais viures font au corps : comme le poison tuë celuy
cy, vne méchante voix empoisonne celle-là : Or cette voix est
méchante qui fait gloire de vous promettre, ce qu’elle auroit
honte de vous tenir : & cette parole est bonne, qui vous tient
plus qu’elle ne vous promet : telle est d’vn costé la parole de
Dieu, & telle est de l’autre la voix de Mazarin. Le Cardinal
vous proteste, sur les sainctes Euangiles, de vous faire mille
biens, & il iure dans ses pensées, qu’il se pariurera pour les
conuertir en maux. Dieu au contraire vous menace d’vn deluge
de foudres, si vous ne le croyez, afin de vous les faire conuertir
en fleurs en le croyant.

Qui a l’ame colée à Dieu, s’infuse auec le Verbe, en ceux
qui oyent sa voix : & qui est diabolisé par les tyrannies, diabolise
auec ses discours ceux qui prestent l’oreille à ses deceuans
entretiens. Et faut-il s’estonner si toute la Cour est endiablée,
puis qu’il y a tant de méchans esprits, lesquels se transforment
mille fois, les vns ez autres par leurs paroles, quand ils déliberent
leurs tyrannies, afin de les faire apres executer sur les
membres de Iesus ? ny faut-il s’ebair s’il ne se trouue personne
de diuinisé, puis qu’il s’en voit si peu qui possedent cette
force eternelle, pour la communiquer à plusieurs auec leur
parler ? Ie ne m’estonne plus de voir la Cour si ensorselée, mais
de ce qu’elle ne l’est dauantage, puis qu’il y a tant de demons,
ny de ce que le Palais a des hommes si lasches, mais de ce
qu’il n’y en a plus, puis qu’il y en a si peu de diuins.

Plusieurs grands Genies vous ont au commencement accablez
d’vn de luge d’écrits, mais la plus grande partie (ie ne



page précédent(e)

page suivant(e)