Matha, ce qui fut executé si prudemment, & auec tant de vigueur
que le Comte de Grancey Gouuerneur de la mesme Place, s’estant
ioint à luy, ce Fort fut emporté sans difficulté, & la ville de l’Isle
aprés des resistances incroyables, & beaucoup de peine, les Soldats
ayans esté contraints de se ietter dans la riuiere du Doux pour aller
à l’assaut, & passer aprés au trauers du feu, qu’vne grande quantité
de bois assemblé faisoit sur la breche.

Nouueaux ordres estans arriuez peu de temps aprés, pour aller
seruir de Mareschal de Camp dans l’armée d’Allemagne, commandée
par le Duc de Vveymar ; il y mena son Corps d’armée, ioignit
ce Prince au Siege de la ville de Beaume, donna de grandes preuues
de son courage aux passages de la riuiere du Rhin, que la necessité
fit faire à ce Prince : se mit en campagne par les ordres du sieur du
Hallier, Lieutenant General dans la mesme armée ; tailla en pieces
vne partie que les ennemis auoient mise aux champs, & par vne seconde
rencontre, toute l’arriere-garde Bauaroise, qui marchoit sous
les ordres de Iean de Vverth.

Ce furent là ses exploits de cette campagne sous le Duc de Vveymar ;
voicy ceux de l’année suiuante, sous le Duc de Longueuille,
General de l’armée que l’on auoit fait entrer en la Frãche-Comt[1 lettre ill.] : Le
premier fut la prise du Chasteau de Chaussin sur Brisenot, transfuge
François : le second, le secours du Chasteau d’Aygremont, que
le Duc Charles auoit assiegé : le troisiesme, l’attaque de deux mille
Lorrains campez dans vn bois, & retranchez auec deux canons : la
deffaite de ces trouppes ennemies fit le quatriesme : le cinquiesme
fut celle d’vn Fort, d’vne Abbaye, & d’vne tour flanquée, qui rendoient
la Vallée de Beaume presque imprenable : le sixiesme, fut le
rauitaillement de la ville de Poligny ; & le dernier la deffaite d’vn
Capitaine nommé Cliquot, vn des plus redoutables Chefs du Duc
Charles.

Cette campagne auoit esté glorieuse aux armes du Roy, Sa Majesté
ne le laissa pas aussi sans recompense : Elle le gratifia de nouuelles
faueurs, & le fit son Lieutenant General en Bresse, iusques à meilleures
occasions. Cette charge l’obligeant donc à s’espargner moins que
iamais pour le seruice d’vn si bon Maistre, Il marcha du costé de S.
Claude pour preuenir les Ennemis qui s’y amassoient, à dessein de
faire vne place d’armes en ce lieu, mit le siege deuant cette place,
l’emporta le quatriesme iour, & pour vne marque de sa pieté conserua
si religieusement les Reliques & les richesses de l’Eglise de cette Ville,