Le Cardinal Mazarin ayant eu assés de credit
sur l’esprit de la Reyne, pour la faire consentir à
ma détention ; a continué par l’entremise de
ses creatures, de me rendre de mauuais offices
auprés de sa Majesté, esperant qu’il la feroit resoudre
vne seconde fois d’entreprendre sur ma
personne ; & sans considerer les suites fascheuses
de mon emprisonnement ; Les desordres qu’il
a causé dans l’Estat, nous leurs auons veu pratiquer
les mesmes artifices dont elles s’estoient
seruy auparauant que de me faire arrester. L’on
a semé des bruits parmy le peuple afin de me
décrier ; mes actions les plus innocentes ont esté
calomniés, & les indifferences interpretées malicieusement
contre moy, L’on ne s’est pas contenté
de trauailler à preparer le public par les
mauuaises impressions qu’on luy a donné de ma
conduite. Les creatures du Cardinal Mazarin ont
agy dans le cabinet, elles ont fait effort auprés
de la Reyne, & ont voulu engager toute sorte
de negociations, & auec les personnes qu’on a
creu qui ne m’estoient pas fauorables, sur l’esperance
d’en estre fortifiés contre moy, & que
ce commerce faciliteroit l’execution de leur
dessein.

Comme ils sont preuoyans à preparer les choses
qui me peuuent nuire, ils ont desia commencé
d’agir auprés du Roy, pour mieux entretenir