Et si cet ordre a esté obserué autrefois, pour
empescher qu’vn Ministre n’imposast pas tous
les iours au nom du Roy de nouueaux subsides
à plus forte raison le doit on obseruer en vn
temps où les subiets sont reduits à vne extréme
necessité à cause des guerres que les maudits
Ministres ont suscitées en France l’espace de
trante cinq ou quarante ans en vertu desquelles
ils ont esté trauaillez d’vn nombre infiny de subsides,
tant ordinaires que extraordinaires, iusques
à faire des leuées de plus de quarante cinq
millions de liures tous les ans, sans payer personne,
qui est vne chose prodigieuse & presque incroyable
à ceux qui n’ont pas mis le nez dans les
affaires des leuées & des despenses.

Voyez ie vous prie si apres des voleries si prodigieuses
on doit souffrir encore qu’vn Ministre
d’Estat impose tous les iours de nouueaux subsides.
C’est ce qui fait que tous les peuples de
France ont conçeu vne haine irreconciliable
contre cette sangsuë publique de Mazarin qui
non content d’auoir enleué tout l’or & l argent
de France voudroit encore obliger les grands
& les petits à faire la fausse monnoye pour assouuir
vne ambition insatiable. Le peuple
veu les grandes leuées des deniers qu’on a faites
sur eux, ne se peuuent pas figurer que le
Roy en puisse auoir affaire, si ce n’est que son