Anonyme [1649], SVITE DV SOLDAT BORDELOIS, CONTENANT LES PARTICVLARITEZ DE CE qui s’est passé en la Bataille deuant la ville de Libourne en Gascongne : Entre l’armée du Parlement de Bordeaux, & les troupes de Monsieur le Duc Despernon Gouuerneur de la Prouince. Ensemble le nombré des morts & blessez, de part & d’autre. , françaisRéférence RIM : M0_3677. Cote locale : C_10_16.
page précédent(e)

page suivant(e)

-- 3 --

SVITE DV SOLDAT BORDELOIS,
Contenant les particularitez de ce qui s’est passé
en la Bataille deuant la ville de Libourne en
Cascongne : Entre l’armée du Parlement de Bordeaux,
& les troupes de Monsieur le Duc
Despernon Gouuerneur de la Prouince.

LA déroute de nos troupes que nous n’auions
peu sçauoir qu’en gros, nous est maintenant
cogneuë dãs toutes ses particularitez. Nous auons
sceu que Monsieur Despernon ayant ioinct l’adresse
à la force estoit venu about de ses desseins.

Car nostre artillerie ayant fait vne breche raisonnable
à la muraille de Libourne, lors qu’on
estoit prest de donner l’assaut, il arriua au Camp
des gens appostez enuoyez par Monsieur Despernon,
qui feignant de se sauuer asseuroient que le
nombre de ses troupes consistoit en cent ou six
vingts cheuaux, & deux cens hommes de pied
seulement, encor mal armez, & peu agueries, à
quoy nos gens adioustans foy vn peu trop legerement,
voulurent aller au deuant pour les combattre,
les deffaire, & remporter vne double victoire.
Mais comme ils y alloient auec precipitation, s’imaginant
que ce n’estoient que quelques coureurs,



page précédent(e)

page suivant(e)