QVESTION XI.

Sçauoir si l’on doit receuoir vn Estranger
dans le Ministere.

IL n’est point de loy establies pour la conseruation
des Estats, qu’elles ne soient à
ces mesmes Estats, ce que les fondemens d’vn
bastiment sont à ce mesme edifice. Quand les
pilotis sur lesquels cét edifice est construit
viennent à faillir, il faut de necessité necessitante
que cét edifice renuerse. Il en est de
mesmes d’vn Estat. Quand les loix fondamentales
sur lesquelles cét Estat est appuyé viennent
à se renuerser par le mespris que l’on en
fait, il faut pareillement aussi que ce mesme
Estat renuerse.

Ce sont des consequences de necessité, contre
lesquelles il n’y a point de negatiue à faire.
Et l’vne des principales loix fondamentales de
cét Estat est qu’on ne receura iamais aucun
estranger dans le ministere des affaires de cette
Couronne. Ce qui a est é confirmé plusieurs
fois par des Arrests du Parlement, en vertu
desquels la Cour a declaré & declare toute sorte
d’estrangers, incapables de tenir Offices
Benefices, honneurs, dignitez, Gouuernements,

page précédent(e)

page suivant(e)