celuy qui tient le premier rang dans la Monarchie.

Il est vray que s’il n’y auoit point d’autre
premier Ministre d’Estat que le Roy, & qu’il
pleust à sa Maiesté de les considerer tous également,
que ce seroit auoir trouué l’art de viure
tousiours en paix, & de donner vn repos
éternel à tous les peuples de France. Le desordre
ne se peut iamais si bien empescher que par
l’égalité des puissances, ainsi que nous le ferons
voir dans la question suiuante.

Aristote veut que le Prince soit le chef de
son Conseil, afin que la passion de ses Senateurs
soit moderée par sa presence, c’est à dire qu’il
en doit estre le premier Ministre, ainsi qu’il
se peut voir au douziéme traité de sa Metaphisique.
Les soixante anciens que Moyse fit assembler
pour gouuerner le peuple, lors qu’il
n’en pouuoit pas bien estre le maistre estoient
tous égaux, & il n’y en auoit pas vn qui se pust
dire estre au dessus des autres. La principauté
d’vn Senat, & la faueur du Prince iointes ensemble,
font vn torrent si prodigieux, que
lors qu’il vient à se deborder, il n’y a rien de
si constant ny de si ferme qui ne soit ébranlé
& le plus souuent entraisné par le moindre effort
de sa violence.

Si les Anges n’eussent pas eu vn premier