s’estant laissé aller au mauuais conseil
d’Ibnabalat Roytelet de Sarragosse, passa les
Mont Pyrenées, rase les murailles de Pampelune,
triomphe de Sarragosse, & semble se voir
parmy les lauriers plein d’honneur & de gloire.
Mais le malheur qui marche bien souuent en
croupe des victoires, luy fait voir sa belle armée
ruinée & deffaite prés de Bayonne, auec la perte
de son cher fauory Roland, & plus de quarante
mille hommes, Milon chef de son armée tué,
comme encore quantité des plus grands & vaillans
Princes & Capitaines de France.

Les mauuais conseils furent cause de la disgrace
d’André de Foix Comte d’Asperant, frere
puisné d’Odet de Lautrec, qui recueilly par la
faction Gramontoise, ne trouue ny forteresses,
ny ville deuant la furie de son armée qui ne fleschisse :
Voila Pampelune abandonné, & le Duc
de Nagera fugitif en Castille, voila vn grand
bon heur qui le suit : Mais le reuers de la medaille
est bien battu d’vn autre coin, car le mal
conseillé Comte d’Asperant ne se contentant
point de ces bons succez, il assiege l’Ogrogne
par la commodité que luy en donnent les tumultes
de Castille : Neantmoins les Vice-Roys
> ayans obtenu vne signalée victoire sur les Communes,
tournent teste contre les François, le
Duc de Nagera estant armé iusques à la mer, depuis