Apres auoir employé quelque iours à estudier
l’estat des affaires, & l’inclination d’vn chacun
pour descendre plus heureusement au bien de la
Paix si importante pour le seruice de leurs Majestez,
il se transporta le 17. May au Chasteau du Ha ;
à la priere du Parlement qui luy fut faite par vn
President, vn Conseiller de la Grande Chambre,
& vn des Aduocats Generaux de la part du Corps,
pour cét effet sa presence arresta vne grande sedition
qui s’estoit faite contre Monsieur d’Argençon,
& premier President par la populace, qui
vouloit absolument la demolition reduit de Libourne,
l’affaire fut si prudemment conduitte par
les Remonstrances au Peuple de Monseigneur
l’Archeuesque, que cette sedition fut dissipée, &
les Peuples se reffererent dans leurs maisons, apres
que mondit Seigneur Archeuesque leur eut fait
entendre que Monsieur d’A[1 lettre ill.]genson auoit donné
vne ordonnance pour demollir les ouurages faits
au reduit de Libourne, depuis la signature des
Articles le 4. May.

Cette ordonnance n’ayant pas eu l’effet que le
Peuple attendoit, il se forma vne seconde sedition
contre le Parlement, qui fut contraint de s’assembler
& de donner Arrest, par lequel il seroit permis
aux trouppes de Bordeaux de sortir sous les
armes, pour aller demolir les fortifications de Libourne,
faite depuis le 4. May, ce fut pour lors que