pas de seureté & d’azile dans vne ville de ce Royaume, elle eust
esté contrainte de [1 lettre ill.] chercher chez les estrangers, où elle estoit
resolue de se retirer. Toute la Guyenne, qui gemist sous la tyrannie
& persecution du Duc d’Espernon, se seroit desia sousleuee
& auroit chasse cet ennemy irreconsiliable de la Prouince, si
le Parlement par sa prudence n’arrestoit ses transports & ne moderoit
ses iustes ressentiments par l’esperance qu’il luy fait conceuoir
que la Royne enfin vaincue par les larmes & les souspirs
de tout ce peuple affligé, se portera à luy octroyer la grace qu’il
luy demande, par les supplications qu’il fait a sa Maiesté depuis
si long temps, & qu’elle leur sera cette iustice d’esloigner pour
iamais ce meschant Gouuerneur & sa posterité de cette desolée
prouince.