RECIT EXACT ET FIDEL
de ce qui s’est passé à la Conference de Ruel, pour
la Negotiation de la Paix.
Nous arriuasmes Ieudy à Ruël ; sur les quatre heures
nous fusmes arrestez à la porte S. Honoré deux heures
au moins, pendant lequel temps les Bourgeois visiterent
nostre bagage : Aussi-tost nostre arriuée Monsieur
de Sainctot vint chez Monsieur le premier President
qui loge au logis de Monsieur Croiset. Comme
il n’y auoit auec luy que cinq de Messieurs, il nous dist, que Monsieur
le Duc d’Orleans attendoit les Deputez pour commencer la
Conference qui se deuoit faire auec luy, auec Monsieur le Prince,
Monsieur le Cardinal, Monsieur le Chancelier, & autres du Conseil :
Que Monsieur le Prince seroit à la gauche, & le Parlement &
les autres Compagnies en suitte. Monsieur le premier President dist
qu’il voyoit d’abord deux difficultez en cette proposition, l’vne pour
la personne de Monsieur le Cardinal, & l’autre pour la seance, qu’il
alloit assembler Messieurs les Deputez de toutes les Compagnies
pour en deliberer ; ce qu’ayant esté fait à l’instant, il fut resolu qu’on
diroit audit sieur de Sainctot que la Compagnie ne pouuoit entrer
estant retourné, & fait entendre sa creance, rapporta à la Compagnie,
que la Reyne desiroit qu’il y fust, & que l’ayant choisi pour Deputé,
le Parlement ne deuoit le trouuer mauuais, puis que l’on
n’empeschoit pas que tous ses Deputez ne fussent à la Conference,
& que ce n’estoit point aux subiets à donner la loy à leur Souuerain ;
qu’on eust à declarer si l’on n’entendoit pas qu’il y fust, auquel cas
Monsieur le Duc d’Orleans s’en retourneroit à S. Germain. Les Deputez
préuoyant que cette response alloit à la rupture de la Conference,
prierent ledit sieur de Sainctot d’aller dire à Monsieur le Duc