Anonyme [1649], RECIT EXACT ET FIDEL DE CE QVI S’EST PASSÉ A LA CONFERENCE DE RVEL, Pour la Negotiation de la Paix. , françaisRéférence RIM : M0_2996. Cote locale : E_1_19.
page précédent(e)

page suivant(e)

-- 18 --

Roy en estant aduerty y seroit remedié, mais qu’ils ne vouloient
point absolument que la condition de ne point innoüer
aux Declarations fust mise, ny deuant, ny apres ladite cessation
d’Assemblée accordée pour le reste de l’année. Qu’eux Depurez
auoient proposé plusieurs expediens, pour ne pas rompre
sur vne proposition qui ne touchoit que le Parlement, que lesdits
expediens par eux proposez estoient que l’on ne parlast
point dans ladite Declaration de ladite cessation ; mais que l’on
se contentast d’en faire vn article secret, & de se fier à la promesse
verbale, ou par escrit de tous les Deputez du Parlement
pour la Conference ; que lesdites Declarations estans entretenuës
& n’y estans inoué, il ne seroit point fait d’assemblée
pendant le reste de l’année, que pour la reception d’Officiers
ou Mercuriales, ont esté lesdits expediens examinez, ensemble
vn autre proposé par l’vn des Deputez du Parlement pour ladite
Conference, qui estoit de mettre dans le dispositif de ladite
Declaration, qu’il ne seroit fait aucune assemblée des
Chambres pendant le reste de l’année si ce n’estoit pour ladite
reception d’Officiers & Mercuriales, & qu’ainsi il ne seroit
inoué ausdites Declarations : Mais comme ces expediens, au dire
de Messieurs les Presidens le Coigneux & Violle Desputez,
ne pouuoient satisfaire ledit Sieur Duc d’Orleans, la Compagnie
ayant deliberé ce qui estoit à faire en ce rencontre, arreste
que les mesmes Deputez rerourneroient vers Monsieur le
Chancelier & Monsieur le Tellier Deputez dudit Sieur Duc
d’Orleans, & incisteroient par tous moyens à ce que l’on se contentast
de la response qu’ils auoient portée, ou que l’on prist vn
de ses expediens, ont esté en suite leus les articles dressez par
les Desputez commis à cét effet.

 

Apres la lecture est entré le Sieur de Sainctot dans l’Assemblée,
qui a dit que Monsieur le Duc d’Orleans attendoit response
auec impatience : Monsieur le premier President a dit, que
l’on la luy porteroit promptement, lesdits Deputez estans partis
de l’Assemblée pour executer leur commission a esté fait lecture
d’vne lettre escrite par le Preuost des Marchands de Paris
aux Escheuins deputez pour la Conference, & en suite d’vne
autre escrite par Monsieur le President de Believre à Monsieur
le premier President.

Apres la lecture desdites lettres, a esté prié Monsieur de la



page précédent(e)

page suivant(e)