le premier President y assisteroit, Sur ce la question s’est meuë, si
on la delibereroit ou si on la remettroit au lendemain ; la resolution
fut prise de deliberer le lendemain à sept heures precises pour en
rendre response à son A. R. sur les neuf heures, & les Deputez priez
d’aller chez Monsieur le Tellier pour en informer sadite Altesse
Royale : & le supplier de le trouuer bon, lequel a témoigné auoit
agreable la forme de la Conference, qui a esté telle que le sieur de
Sainctot estoit hors de la Chambre où nous nous assemblions dans
vn passage, lequel attendoit les Deputez, lesquels estans rentrez
dans ledit passage, ledit sieur de Sainctot va aduertir Monsieur le
Chancelier & M. le Tellier qui sont en la Chambre de son A. R. lesquels
viennent à la Chambre de la Conference des Deputez, s’assient
du costé du feu à vne table, & nos Deputez de l’autre costé, &
là ils font les propositions de part & d’autre.

Le Dimanche 7. Mars 1649. du matin, Messieurs les Deputez
estans assemblez chez Monsieur le premier President, Monsieur le
President de Mesme a fait lecture d’vne lettre enuoyée ausdits Deputez
par Messieurs Barenne & Andree Conseillers Deputez
du Parlement d’Aix, au Parlement de Paris, auec les articles contenant
leurs pretentions.

MESSIEVRS,

Ayant receu l’aduis de l’arresté de vostre Compagnie du dernier du passé
pour la Conference de Ruel, nous ayant fait l’honneur d’y comprendre les
interests de la nostre, suiuant ce qui nous a esté prescrit, nous vous adressons
les articles & pretentions de nostre Corps conformes aux instructions &
pouuoirs à nous enuoyez necessaires pour establir le repos auec le seruice du
Roy en nostre Prouince : Et comme il vous a plû agreer l’vnion de nostre
Corps auec le vostre, nous esperons, Messieurs, de vostre zele & bonne volonté
que vous prendrez le soin de nous procurer de la bonté du Roy & de la
Reine Regente le contenu ausdits articles, & les passe-ports pour en faire instance
à l’esgal des autres Compagnies ; & d’autant qu’on pourroit aduancer
que nostre Compagnie a voulu traiter, nous vous asseurons, Messieurs,
auoir aduis certain qu’elle a surcis à toutes propositions iusques à ce qu’elle