est à nostre prochain, dit cet adorable legislateur
Moyse, & puis que cela est, il faut encore moins
retenir vn bien qui n’est pas à nous, & sur lequel
nous ne sçaurions iamais auoir aucune possession
legitime. Les voleurs & ceux qui ne veulent pas
rendre le bien d’autruy, n’entreront point au
Royaume des Cieux, dit l’Apostre S. Paul escriuant
à ceux de Corinthe ; C’est pourquoy il faut
que ces heritiers de ces sangsues publiques fassẽt
vne ferme resolution de restituer tout le biẽ mal
acquis que leurs predecesseurs leur ont laissé, s’ils
ne veulent pas estre eternellement mis au rang
des reprouuez pour ce seul crime : & s’ils ne veulent
pas que Dieu visite l’iniquité des peres sur
les enfans iusques à la troisiesme & quatriesme
generation, tant ce peché se trouue abominable
deuant son adorable Maiesté, aussi bien que deuant
les hommes.

Si celuy qui achette vn bien, qu’il croit
estre derobé, est obligé à le restituer à celuy
mesme à qui il a esté pris, sur peine d’estre
damné, que ne doit pas faire celuy qui ne l’a pas
achepté, & sur qui l’iniquité du deffunct le fait
choir, afin de l’accabler auec plus de facilité sous
vne destinée pareille à la sienne. Qui se rend
proprietaire du vol, participe au peché, & qui
participe au peché, se rend heritier de la peine.
Nul ne peut receuoir l’absolution du Prestre &
moins encore le S. Sacrement de l’Eucharistie,