demeurez debout & teste nuë a dit qu’il auoit rendu response
sur nos demandes, & qu’il auoit accordé ce qui luy auoit esté demandé,
& que nous ne luy auions point sait de response sur les siennes,
& que c’estoit des longueurs affectées ; & qu’il nous venoit dire
pour derniére resolution, que le Roy ce departoit de la translation
du Parlement à S. Germain, & ce contentoit que le Parlement
y allast en Corps, pour y estre tenu par le Roy son lict de Iustice, &
authoriser la Declaration qui seroit faite, en cas que nous voulussions
conclure la paix, laquelle Declaration seroit concerté auec
nous, & ne contiendroit que ce dont nous tomberions d’accord :
Que le Roy promettoit les trois ans de deffẽces d’assemblées a deux
ans, & les vingt années de seruice d’assister aux assamblées des Chãbres
a dix années, & qu’il y auoit vn Réglement pour la Tournelle
de deux ans de seruice qui pouuoit donner exemple à celuy là : que
nous eussions a luy en rendre response dãs le lendemain huict heures,
autrement qu’il s’en iroit à S. Germain ; & que nos passeports
seroient prests pour retourner à Paris ; qu’il protestoit que nous serions
responsable de tous les malheurs qui arriueroient à la France,
si nous ne satisfaisions à ce qu’il désiroit de nous. Mr. le Premier à
faict la mesme protestation contre nous, Mr. le President de Mesmes
à respondu fort genereusement & en Substance a dit, que la
Compagnie auoit sujet de remercier Sadite A. de la bonté qu’elle
auoit tesmoignée, la supplioient de la continuer, & de ne pas croire
qu’elle eut apporté des longueurs qui ne procedoient point de la
part des Deputez : mais plustost de l’inexecution des promesses que
l’on leur auoit données, n’y ayant eu aucuns viures amenez à Paris
iusques à ce iour. Mr. le Duc d’Orleans & Mr le Prince ont interrompu,
& ont dit qu’ils n’estoiẽt point marchands de bleds, & que
c’estoit assez d’auoir expedié des passeports pour cet effect Mr. le
Premier de Mesmes à reparti que pour la premiére propositiõ touchant
la translation du Parlement, il n’y en auoit point d’exemple ;
que s’il n’estoit question que de submissions, le Parlement n’auoit
jamais manqué d’en rendre, & qu’il seroit tousjours prest de les
faire comme de bons & fidels Suiets & Officiers. Pour la sur seance
des Assamblées, que cette proposition sembloit contraire à l’establissement
du Parlement, que qui disoit Parlement, disoit Conference
& Assamblée : que lors de la Ligue, Messieurs des Enquestes
auoient beaucoup contribué à l’affermissement de la Loy

page précédent(e)

page suivant(e)