soin mesme pour vn de Messieurs les Conseillers, si la Cour iugeoit necessaire
de luy commettre. Il vous plaira de pourueoir à la liberté du
Commerce d’icy à Ruel, pendant la Conferance & de me croire.

MONSIEVR,

Vostre tres-humble, & tres-obeyssant
seruiteur,
BELLIEVRE.

A Paris ce 5. Mars 1649.

Aussi-tost que la compagnie, sans deliberer, demeura d’accord
que les Deputez du iour precedent iroient parler aux autres Deputez
pour ce pretendu de l’inexecution des promesses du bled, il fut
dit par eux que l’ordre auoit esté donné, & que l’on le pouuoit executer,
& qu’ils estoient près d’abbondant de donner nouueaux
ordres & nouueaux passeports. Ce qui a esté donné en charge aux
Escheuins pour y tenir la main : ce fait ; on a leu les propositions qui
auoient esté passées par Messieurs lesdits Deputez si dessus nommez
qui estoient en ces termes.

Leurs Maiestez, sont tres-humblement suppliez d’accorder dès à
present l’ouuerture des passages pour toutes sortes de viures & danrèes,
comme aussi la liberté du Commerce, l’vn & autre estant absolument
necessaire pour la conseruation de la capitale ville du
Royaume.

Leurs Maiestez sont aussi tres-humblement supliez pour paruenir
à la paix generale, de vouloir Deputer personnage de probité, &
suffisance, entre lesquelles il leur plaira choisir aucuns Officiers de
son Parlement.

Comme aussi le retour du Roy dans Paris, est ce qui peut calmer
le plus les esprits, & retablir la tranquilité publique : Leurs Maiestez
sont tres-humblement suppliez d’honorer Paris de leurs presences
aussi tost que la Conferance sera terminée.

Et ayant estè deliberé si elles estoient trouuée bonne, il a passé
tout d’vne voix qu’ouy, & aussi-tost ont esté portez aux Deputez
de l’autre costè, & puis on a fait lecture des propositions donnez de
la part de son Altesse Royale qui estoient en ces termes.

Le Roy ayant transferé la science du Parlement de Paris à Montargis ;