tant dedans que dehors le Royaume, & a tousiours
eu parmy vous vn Senat & vn Parlement incorruptible,
qui a maintenu ponctuellement le seruice
& l’obeïssance deuë au Roy, & pour recompense
vn tyran parfaict, a voulu immoler nos vies & nos fortunes
à sa tyrannie, en ruïnant & desolant la Province,
par la guerre qui alloit à l’entiere desolation
de la ville de Bourdeaux, si dans la genereuse resolution
de ses braues Senateurs, & le courage de
ses habitans elle ne se fust deffenduë. C’est pourquoy
puisque Mazarin est à present tombé en la
haïne publique, & que vous, MESSIEVRS, auez
embrassé l’vnion du Parlement de Paris, & donné
Arrest semblable au sien, pour se deffaire de cét inhumain
Ministre : toute la Prouince declare qu’elle
employera tout ce que Dieu luy a donné de force
pour se liberer de ce commun ennemy, en le chassant
hors du Royaume.