Anonyme [1652], L’VNION DE LA PROVINCE DE NORMANDIE AVEC MRS LES PRINCES, ENVOYÉE A SON ALTESSE ROYALE, ET PRESENTÉE AV ROY EN FORME DE Tres-humble Remonstrance, par les Deputez de ladite Prouince. , françaisRéférence RIM : M0_3907. Cote locale : B_5_26.
page précédent(e)

page suivant(e)

-- 5 --

Que cette proposition ne semble point nouuelle
à personne : car elle est de tout temps, &
verritable, & ie ne pretend pas dire que le peuple
s’estant donné à vn Maistre & Pere, que
nous appellons Roy, soit en posture ny puissance
d’en pouuoir faire vn autre suiuant son caprice
& son mouuement ; à Dieu ne plaise, se
seroit vn crime dans l’Estat, vn monstre dans la
Monarchie, le peuple, dis-je, s’est tellement
donné au Roy, qu’il ne peut s’en destacher ny
se dispenser de ses ordres, en telle sorte que ceux
qui ont fait ce premier vœu, ce sacrifice de leur
personne & de leur volontés, y ont compris
leur posterité, comme Adam par sa chûte auoit
enueloppé & entrainé les autres dans son propre
mal-heur : Donc par vne suitte necessaire il
doit y auoir vn Roy dans l’Estat, & ce Roy doit
estre maistre & Pere tout ensemble, & qui perdroit
l’vne de ces qualitez, perdroit pareillement
l’autre : Aussi les peuples de leur costé doiuent
la fidelité & l’obeïssance.

Or voyons dans le poinct où les chose sont reduites
à present, lequel des deux partys a manqué.
SIRE, se seroit vne insolence insupportable
de reprendre V. M. Elle est exempte icy



page précédent(e)

page suivant(e)