sont dangereux, principalement a vn
Roy qui doit tousiours despendre plus en
raison qu’en sa volonté propre. Ce qui vous
doit plus esveiller & émouuoir Sire, c’est
que non pas vn deux ou trois cents vous
aduertissent des meschantes menées &
pratique du Cardinal Mazarin, mais toute
la France crie misericorde : Sire, tout se
perd, vous vous perdez & nous (vox populi
vox dei) la voix du Peuple c’est la voix de
Dieu, les estrangers mesmes, & les Princes
estrangers s’en estonnent, ils sont esbahis
qu’vn homme inconu & chetif mercenaire
ayt gaigné tel credit auprés vous, & se soit
agrandis au dessus des Princes & des
Grands à vostre perte.

Mais ie parle à toy, ô desolée France,
voyant ton mal-heur, quel desastre ? ó
pauure France, que tu voyes ce mal-heureux
ingrat, ce pernicieux homme te rauir le
plus beau de ta ioye, t’enleuer ton Roy, &
tu ne sçais ce qu’il en fera, le faire courir
apres ses volontez, bref le perdre si Dieu n’a
pitié de toy ! ô grande douleur de le voir
accompagner & fortifier des fatelites Mazarins