Anonyme [[s. d.]], L’OMBRE DV ROY D’ANGLETERRE APPARVE A LA REYNE DE FRANCE. , françaisRéférence RIM : M0_2597. Cote locale : C_6_42.
page précédent(e)

page suivant(e)

-- 7 --

ne doubte point que vous ne tourniés tous vos soings
& toutes vos pensées à la vengeance de ma mort
& au restablissement de ma posterité. Ce n’est pas
d’auiourd’huy que la France est l’Azile, & le refugedes
Souuerains outragé : mais il ny eust iamais d’occasion
où elle peust acquerir tant de gloire que dans
celle cy où il s’agit non seulement de l’interest du
Ciel, & de la terre, mais encore du bien en particulier.
Certes puisque les Roys sont les images de
Dieu, & portent sur le front le Caractere de sa Puissance,
quel Crime aussi enormea t’on commis contre
le Ciel depuis l’horrible impietés des Iuifs, que
celuy que les Anglois ont commis en me massacrant
Mais quelle honte à present à toutes les Majestés
Royales qu’on ait expose a la main infame d’vn bourreau
vn Roy, dont la dignité s’estoit establie par vne
possession de tant de siecles ? en fin quel plus grand
mespris pourroit on faire de la puissance Françoise
que de traitter auec tant dignominie vn Prince qui luy
est si estroitemẽt aimé. Mais n’aprehendés pas de causer
de nouueaux desordres en vous engagent dãs cetet
guerre comme l’Angleterre est separee du reste dumonde
par la mer aussi bien que par son iniquité, il
n’y a de mal-heurs à redouter que pour les habitans
de cette terre mauditte, Mais quels supplices y
a t’il qui soient asses grands pour punir les crimes
de ces impies ? A dieu ô Reyne des François,
Ie quitte la terre pour reprendre le chemin des
Cieux. Mais en vous quittant ie vous conjure de vous
souuenir qu’il depend de vous de rendre la sainteté
à la Religion, le repos à la chrestienté & la splandeur
à la France, l’Authorizé aux Loix, & la dignité
à la Puissance Royale.

 

FIN.



page précédent(e)

page suivant(e)